「提子提子 提防騙子」、「一齊企硬唔Take 野 」、「給更生人士一個機會」，呢啲都係大家經常聽到嘅口號。

為咗向東區居民宣揚滅罪、禁毒以及助更生嘅信息，東區撲滅罪行委員會聯同東區民政處9月17日晚在北角社區會堂舉辦「慶祝香港回歸祖國25周年 — 東區滅罪禁毒助更生嘉年華會」。

東區民政專員陳尚文聯同東區警區指揮官署理總警司陳漢銘、懲教事務監督吳基恒、首席廉政教育主任黃小欣、東區及灣仔區助理福利專員曾國雄、東區高級學校發展主任何穎嵐、東區撲滅罪行委員會主席廖錦興、副主席鄭承峰，一齊為活動主持啟動禮，陣容鼎盛。

除咗攤位展覽外，大會亦安排咗精彩嘅歌唱表演、民族舞及健康操等，本會少年足球隊在副主席兼足球部主任高志超帶領下進行示範，場內氣氛非常熱烈！

活動尾聲仲向居民派發各種實用嘅防騙宣傳品，提醒市民要時刻保持警覺，攜手打擊罪案。